“უბედურება ტრიალებს მსოფლიოს საფონდო ბაზრებზე” – რომან გოცირიძე სოციალურ ქსელში ინფორმაციას ავრცელებს:
“უბედურება ტრიალებს მსოფლიოს საფონდო ბაზრებზე. ფულს არა მხოლოდ უცხოელები, არამედ საქართველოს ფიზიკური და იურიდიული პირებიც კარგავენ.
“საქართველოს ბანკისა” და “თი ბი სი” ბანკის პლატფორმით ჩვენს მოქალაქეებს გაუჩნდათ შესაძლებლობა შეიძინონ 5 ათასამდე უცხოური კომპანიის აქციები. ზუსტი სტატისტიკა არ არის რატომღაც დღემდე გამოქვეყნებული, მაგრამ ამ კომპანიებში ინვესტირებული თანხები ალბათ რამდენიმე ათეული მილიონი დოლარი იქნება, ასეული თუ არა.
დიდძალი ზარალი მიადგა ასევე საქართველოს საპენსიო ფონდს, რომელსაც მილიარდ ლარზე მეტი აქვს ინვესტირებული დასავლური, ჩვენთვის ყველასთვის ცნობილი კომპანიების აქციებში.
ხშირად უყვართ იმის თქმა-მერე რა, თუ უფასურდება, რაღაც პერიოდში დაუბრუნდება პირვანდელ ნიშნულსო. ეს რაღაც პერიოდი შეიძლება იყოს ერთი ან ორი წელიწადი ან სულაც არ იყოს. ეს ნიშნავს წლებისა და შემოსავლების დაკარგვას. თანაც, როცა მაღალ ფასად გაქვს ნაყიდი და დაბალ ფასად გიწევს გაყიდვა ( ყველას არ აქვს ლოდინის საშუალება ან არც სურს), ეს უკვე პირდაპირი ზარალია.
“საქართველოს ბანკმა” ( “გალტ ენდ თაგარტმა”), “თი ბი სი” ბანკმა, საპენსიო სააგენტომ, ასევე ეროვნულმა ბანკმა, როგორც რეგულატორმა, უნდა განმარტონ, თუ რა გავლენა მოახდინა ჩვენი მოქალაქეების ინვესტიციებზე ბოლო კვირების შავმა დღეებმა. მხოლოდ გუშინ და დღეს საფონდო ბაზრებმა რამდენიმე ტრილიონი დოლარი დაკარგეს.” -წერს რომან გოცირიძე.