საქართველოს ნაკრების ნახევარმცველი, გიორგი ქოჩორაშვილი კარიერას „ლევანტედან“ ლისაბონის „სპორტინგში“ გააგრძელებს. ქართველი პორტუგალიურ კლუბს ზაფხულში შეუერთდება.
„რიუ ევესთან“ მატჩამდე ჩატარებულ პრესკონფერენციაზე, „სპორტინგის“ მწვრთნელმა, რუი ბორჟესმა ქოჩორაზე ისაუბრა.
„რაც შეეხება ახალწვეულებს, გვარს ვერ ვიტყვი, ვინაიდან რთულად გამოითქმის. ვნახე სოციალურ ქსელებში კითხულობდნენ გულშემატკივრები, როგორ შეიძლება მისი მოკლედ წარმოთქმა. მე ჯიო ავირჩიე. ქოჩორაშვილი ჩვენმა კლუბმა რამდენიმე ხნის წინ შეამჩნია, გარკვეული პერიოდი მის უნარებს ვაკვირდებოდით და დავადგინეთ, რომ კონკურენტუნარიანია, ტექნიკურია, მიზანდასახულია, გოლის გატანა შეუძლია და გუნდისთვის ძალიან სასარგებლო იქნება.
იანვარში ტრანსფერის განხორციელება რთულია, ფეხბურთელების ფასი უფრო მაღალია, განსაკუთრებით იმ კლუბებიდან,რომლებიც ზედა დივიზიონში გადასასვლელად იბრძვიან. მაშინ, ალბათ, მის სანაცვლოდ 15 მილიონს მოითხოვდნენ. ახლა დავიმატეთ და შენაძენით გახარებული ვართ“.
წყარო: Sportall.ge