რადას დეპუტატი მმართველი პარტიიდან, ლიზა იასკო “ფეისბუქზე” აქვეყნებს მიხეილ სააკაშვილთან ერთად გადაღებულ ვიდეოს, სადაც საქართველოს ექს-პრეზიდენტი ამბობს, რომ ის და ლიზა ერთად არიან, ახალი ოჯახის მშენებლობას იწყებენ და სურთ ამის შესახებ საზოგადოებასაც ამცნონ.
“დღეს მე და ლიზა იასკო ვართ ერთად, ჩვენ გვაქვს ჩვენი ერთობლივი ოჯახი, ჩვენ გვინდა რომ ყველამ გაიგოს ჩვენი ამბავი და გვისურვოს ბედნიერება” – ამბობს მიხეილ სააკაშვილი გავრცელებულ ვიდეოში, რომელიც ლიზა იასკოს თქმით, საქართველოში სააკაშვილის წამოსვლამდე ჩაწერეს.
“ეს ვიდეო ჩავწერეთ მიხეილ სააკაშვილის საქართველოში წასვლამდე, ერთად ყოფნის, ერთმანეთის სიყვარულისა და მხარდაჭერის შესახებ. სიყვარული და ბრძოლა შენი სახელმწიფოსთვის არის ყველაზე კეთილშობილური რამ!
მე მხარს ვუჭერ მის ბრძოლას. მხოლოდ ნამდვილი მებრძოლები დიდი გულით და თავისი ქვეყნის სიყვარულით ცვლიან სამყაროს. მხოლოდ მიშასნაირი ადამიანები არიან მზად გაწირონ თავი თავიანთი სამშობლოსთვის,” – წერს ლიზა იასკო “ფეისბუქზე” გავრცელებულ ვიდეოზე.
ვიდეო:
https://www.facebook.com/lisayasko.ukraine/videos/839944796702370
ელიზავეტა (ლიზა) იასკო – დაბადებული 1990 წლის 17 ოქტომბერს, კულტურულ საქმეთა ექსპერტი და კინოპროდიუსერია. 2019 წლის 29 აგვისტოდან ქალი უკრაინის უმაღლესი რადის წევრი და საპარლამენტო დელეგაციის ხელმძღვანელია ევროსაბჭოში.
შეგახსენებთ, მიხეილ სააკაშვილი გუშინ დააკავეს.
ყოფილი პრეზიდენტი ამ დროისთვის რუსთავის მე-12 სასჯელაღსრულების დაწესებულებაშია გადაყვანილი.
https://mix.metronome.ge/21885-2/