გასული წლის ზაფხულის შემდეგ, ალბათ, საქართველოში ცოტა ადამიანი დარჩა, ვინც ჩვენი ქვეყნის ეროვნული ნაკრების ფეხბურთელების სახელები და გვარები, მათი კარიერის მნიშვნელოვანი დეტალები თუ ოჯახური ამბები არ იცის.
გიორგი მამარდაშვილის, ნიკა კვეკვესკირის, გიორგი ქოჩორაშვილის, ოთო კიტეიშვილის, ზურიკო დავითაშვილის, ბუდუ ზივზივაძის, ხვიჩა კვარაცხელიასა თუ სხვა ახალგაზრდა ვარსკვლავის შესახებ ჩვენ არაერთხელ შემოგთავაზეთ ისტორიები, ამჯერად კი გიზიარებთ გიორგი ჩაკვეტაძის ვიდეოს, რომელსაც სოციალურ ქსელში დიდი გამოხმაურება მოჰყვა.
ვინ არის გოგონა გიორგი ჩაკვეტაძესთან ერთად?
ვიდეოში, სადაც ყველასთვის საყვარელი ფეხბურთელი უცნობ გოგონასთან ერთადაა, ნუცა კვირკვიაა. წარმოშობით ზუგდიდელი გოგონა სოციალურ ქსელში “ჩაკვესთან” ერთად გადაღებულ ფოტოზე წერს: “ჩემი საუკეთესო მეგობარი ჩაკი”.
ambebi.ge-ის ინფორმაციით, ისინი ნამდვილად მეგობრები არიან. ნუცა კავკასიის უნივერსიტეტის სტუდენტია, უყვარს სპორტი. ალბათ ეს არც არის გასაკვირი, რადგან ცნობილი ქართველი ვეტერანი ფეხბურთელის ოთარ გაბელიას დის შვილიშვილია. ნუცას ბებო ცნობილი გინეკოლოგო იყო, ბაბუა ქირურგი.
სხვათა შორის, ნუცა პირველად არ მოექცა საზოგადოების ყურადღების ცენტრში. 2020 წელს სოციალურ ქსელში გავრცელდა ხუთი ზუგდიდელი გოგონას ფოტო, რომელმაც უამრავი ნახვა და მოწონება დააგროვა. ფოტოზე გახლდათ ნუცა კვირკვიაც.
ჰყავს თუ არა შეყვარებული გიორგი ჩაკვეტაძეს?
ამ კითხვას, ალბათ, ფეხბურთის გულშემატკივარი გოგოები ყველაზე ხშირად სვამენ, რადგან გიორგიპირად ცხოვრებაზე თითქმის არასდროს საუბრობს. ცოტა ხნის წინ GeoTeam-თან ინტერვიუში მან თქვა, რომ თავისუფალია, თუმცა “ჩაკვეს” არაერთ გოგოსთან მაინც ხშირად აწყვილებენ.
ერთ-ერთი იყო ელენე ზურაბიშვილი. მას საზოგადოების ნაწილი ცნობილი ოჯახიდან გამომდინარე იცნობდა – ის მსახიობ გოგოლა კალანდაძის ქალიშვილია.
გიორგი ჩაკვეტაძე კამერებთან მორიდებულია და პირად ცხოვრებაზეც იშვიათად საუბრობს. Geo Team-თან ევროპის ჩემპიონატამდე ჩაწერილ ბლიც-ინტერვიუში თქვა, რომ ახლა შეყვარებული არ ჰყავს, თუმცა გიორგის დედა იხსენებს, რომ გოგონებისგან ყოველთვის გრძნობდა ყურადღებას:
“სერიოზული ურთიერთობა არც აქამდე ჰქონია. ამ მხრივ აქტიურობით დიდად არ გამოირჩევა. გოგონები უფრო აქტიურობდნენ, აქ რომ იყო, ეზოში მოდიოდნენ და ყვიროდნენ: “ჩაკვე, ჩამოდი! ჩაკვე, ჩამოდი!” მთავარია, უბოროტო და მართალი ადამიანი იყოს” , – ამბობდა ფეხბურთელის დედა.