დღეს საქართველოს ეროვნული ნაკრები, თბილისის დროით 21:00 საათზე, ერევანში, სომხეთს დაუპირისპირდება.
თამაშამდე გამართულ პრესკონფერენციაზე სომეხთა მთავარმა მწვრთნელმა, ჯონ ვან’ტ სხიპმა საქართველოს შესახებ ისაუბრა.
„ადრე საქართველოს საბერძნეთის ნაკრების მწვრთნელის რანგში შევხვდი. ამ გუნდმა ბოლო წლებში დიდებული პროგრესი განიცადა, ევროპის ჩემპიონატზეც კი გავიდნენ, ძლიერი ოპონენტები არიან. ჩვენთვის დიდი გამოწვევაა გავიგოთ, როგორ შეუძლია პატარა ქვეყანას დიდი წარმატების მიღწევა“, – აღნიშნა მან.
შეგახსენებთ, საპასუხო შეხვედრა თბილისში, 23 მარტს გაიმართება.
ორმატჩიან დუელში სომხეთის დამარცხების შემთხვევაში, საქართველოს ეროვნული გუნდი ერთა ლიგის B დივიზიონში ადგილს შეინარჩუნებს.