მოქმედი მერი და „ქართული ოცნება – დემოკრატიული საქართველოს“ თბილისის მერობის კანდიდატი, კახა კალაძე ბაბი კირკიტაძესთან ბლიც ინტერვიუში ამბობს, რომ მკაცრი მამაა.
მისივე თქმით, სურს, რომ მისი შვილები წარმატებული ადამიანები გახდნენ და სამშობლოს გამოდგნენ.
“საკმაოდ მკაცრი მშობელი ვარ, თუმცა, პატარას ცოტათი ვანებივრებ. განსაკუთრებული დამოკიდებულება მაქვს პატარასთან, მაგრამ შვილებთან ყოველთვის ვსაუბრობ საინტერესო თემებზე. მინდა, წარმატებული ახალგაზრდები იყვნენ, განათლებით გამოადგნენ თავიანთ ქვეყანას, ” – ამბობს კახა კალაძე.
კითხვაზე – როგორი მეუღლეა, დედაქალაქის მერი პასუხობს:
“არ ვიცი, ეს ალბათ ჩემს მეუღლეს უნდა ჰკითხოთ, საკუთარ თავზე გამიჭირდება საუბარი. ჩემი სამსახურიდან გამომდინარე რაც მაკლია, ეს შვილებთან ურთიერთობაა. ძირითადად, სულ ანუკაა ბავშვებთან. როცა თავისუფალი დღეები მაქვს, ძირითადად, შაბათ-კვირას მათთან ერთად ვატარებ“, – ამბობს კახა კალაძე ბაბი კირკიტაძესთან ინტერვიუში, რომელსაც “ad hoc · ედ ჰოკი” ავრცელებს.