სპორტული ჟურნალისტი ბიძინა ბარათაშვილი სპორტული კომენტატორის, სანდრო ცნობილაძის ბინაში პოლიციის შესცლას სოციალურ ქსელში ეხმიანება.
“სანდრო ცნობილაძეს ვიცნობ 30 წელიწადზე მეტი ხანია. აქედან 25 წელი ერთად გვიმუშავია. სანდრო – “პორნო მაგნატი” თუ სანდრო – “სექსუალური მანიაკ-შანტაჟისტი” ისეთი აბსურდია, რომ ამ თემაზე მხოლოდ იმიტომ ვწერ, რომ ვინმემ არ იფიქროს – ეს ამბავი გამომეპარა… სამწუხაროდ, ჩვენს ირგვლივ ბოდვა გრძელდება…” | წერს სპორტული ჟურნალისტი ბიძინა ბარათაშვილი სოციალურ ქსელში და სანდრო ცნობილაძის სახლში ჩატარებულ ჩხრეკასა და შემდეგ განვითარებულ მოვლენებს ეხმაურება.
დღეს დილით, სპორტული კომენტატორის, სანდრო ცნობილაძის ბინაში პოლიცია შევიდა. გავრცელებული ინფორმაციით, მის წინააღმდეგ საქმე პირადი ცხოვრების საიდუმლოს ხელყოფის მუხლით დაიწყო. ცნობილაძემ აღნიშნა, რომ პოლიციამ ტელეფონები და ლეპტოპები ამოიღო.