სოციალურ ქსელში „კოალიცია ცვლილებისთვის“ წევრის, ანა ქართლელიშვილის ჯანმრთელობის მდგომარეობის შესახებ ახალი ინფორმაცია ვრცელდება.
მისმა რამდენიმე თანაპარტიელმა გამოაქვეყნა პოსტი, რომლის მიხედვითაც, ქართლელიშვილის მდგომარეობა მნიშვნელოვნად გაუმჯობესდა.
„ამ წამს ველაპარაკე Anna Kartlelishvili -ს. სასწაულებრივად გამოძვრა, ლაპარაკობს და პოლიტიკაზეც ვიჭორავეთ. წინ დიდი გზა აქვს, მაგრამ უკვე დიდი სასწაულია. ამის მერე კიდევ უფრო მჯერა, რომ ქოცებს სახელოვნად დავამარცხებთ“, – წერს გიორგი ბუტიკაშვილი.
ამავე შინაარსის პოსტს აქვეყნებს ასევე ანი ქავთარაძე: „ის დღე რომ დადგა, Anna Kartlelishvili -ს ვეჭორავე, ქოცების აღსასრულიც იქნება!
🥳💚
ანნას დაბრუნებასთან ერთად მოვა ნამდვილი გაზაფხული.“
შეგახსენებთ, 2024 წლის 14 ოქტომბერს კახეთში, გურჯაანის მუნიციპალიტეტის სოფელ ვაჩნაძიანში, ანა ქართლელიშვილი და ელენე მეგრელიშვილი ავტოავარიაში მოყვნენ.
შემთხვევის შედეგად, მეგრელიშვილი დაიღუპა.