საქართველოს პრეზიდენტი, სალომე ზურაბიშვილი სამსახურიდან გათავისუფლებულ საჯარო მოხელეებს შეხვდა.
მან კიდევ ერთხელ მოისმინა ყოფილი საჯარო მოხელეების ისტორიები, რომლებიც სამსახურებიდან პოლიტიკური ნიშნით, საქართველოს ევროპული კურსის მხარდაჭერის გამო გაათავისუფლეს.
“საჯარო მოხელეს აქვს უფლება, გამოხატოს თავისი პროტესტი და მოსაზრება იმ მოვლენებზე, რაც ხდება ქვეყანაში. ეს ყველა ადამიანის ფუნდამენტური უფლებაა”, – თქვა პრეზიდენტმა.
მისი თქმით, გათავისუფლებული მოქალაქეების სათქმელს ევროპაში ჩაიტანს.