ინტერნეტ სივრცეში ფარული მიყურადების შესახებ გავრცელებულ ინფორმაციებს არქიმანდრიტი ანთიმოზ ივერიელი (თამაზ ბიჩინაშვილი) “ფეისბუქის” პირად გვერდზე ეხმაურება:
“მასალები სასულიერო პირებზე
ვითომ სუს-იდან გამოჟონილი მასალები ჭორ-ნიუსებია და შეთითხნილია იმათგან, ვისაც ეს საარჩევნოდ აწყობს.
ერთ მაგალითს მოვიყვან: ვითომ მეუფე დემეტრე (შიოლაშვილი) ესაუბრა ქალბატონ შორენა თეთრუაშვილს და თხოვდა მეუფე სპირიდონის გადაყენებას და მის მაგივრად ვიღაც სამხარიძის არჩევს. ქალბატონმა შორენამ უარი უთხრა იმ მიზეზით, რომ მონასტერი აირევაო. ვინც ქალბატონ შორენას იცნობს ადვილად დამეთანხმება, ის მობილურს საერთოდ არ ხმარობს და ტელეფონში უბრალო მოკითხვასაც გაურბის. შორენასგან ასეთი საუბარი ნონსენსი და ფანტასტიკის სფეროა.
ჟონავს არა ფლავი რა, გაფუჭებული ონკანია და წყალი ჟონავს?! ვიღაცა ”ჩორტებს” აგდებს და ნუ ენდობით.
საარჩევნოთ თურმე ოპოზიცია ეკლესიის მხარეს გადავიდა, ჩვენ მოგვეცით ხმა, ნახეთ, ”ოცნება” რას გიშვებათ და ჩვენ გიცავთო. კარგით რა!” – წერს სოციალურ ქსელში არქიმანდრიტი.
ინტერნეტ სივრცეში ფარული მიყურადების შესახებ ინფორმაცია გავრცელდა – დოკუმენტებში, რომელიც სავარაუდოდ, სუს-ის ყოფილმა თანამშრომელმა გამოაქვეყნა აღწერილი კონკრეტული ადამიანების პირადი ცხოვრება.
ასევე, ყურადღებას გამახვილებულია მაღალი იერარქიის სასულიერო პირების სექსუალური ორიენტაციისა და მათი წარსულის შესახებ.
გარდა ამისა, დოკუმენტებში საუბარია, პატრიარქის მდივან-რეფერენტ შორენა თეთრუაშვილზე, მოსაყდრე შიოზე, საპატრიარქოს საზოგადოებასთან ურთიერთობის სამსახურის ხელმძღვანელ ანდრია ჯაღმაიძესა და პატრიარქთან დაახლოებულ სხვა პირებზე.
დოკუმენტის მიხედვით, ირკვევა, რომ პირდაპირ კონტროლდება მათი გადაადგილება და საბანკო ანგარიშებიც.