საქართველოს მეხუთე პრეზიდენტი, სალომე ზურაბიშვილი ბალტიისპირეთის ქვეყნებს რუსეთისა და ბელარუსის ელექტროგადამცემი ქსელებიდან გამოთიშვას ულოცავს და ამ ფაქტს, ღირშესანიშნავ მოვლენად აფასებს.
ზურაბიშვილის თქმით, “ეს მნიშვნელოვანი ნაბიჯია ნამდვილი ენერგეტიკული დამოუკიდებლობისა და უსაფრთხოებისკენ“.
ვულოცავ ლიეტუვას, ლატვიას და ესტონეთს ამ ღირშესანიშნავ მომენტს, თქვენ გამოეთიშეთ რუსულ ელექტროენერგიას და მთლიანად ინტეგრირდით ევროპულ ქსელში. მნიშვნელოვანი ნაბიჯია ნამდვილი ენერგეტიკული დამოუკიდებლობისა და უსაფრთხოებისკენ,” – წერს სალომე ზურაბიშვილი X-ზე.
შეგახსენებთ, რომ 8 თებერვალს, ბალტიის ქვეყნები: ლიეტუვა, ლატვია და ესტონეთი იმ ელექტროგადამცემი ქსელიდან გაითიშა, რომელიც რუსეთს, ბელარუსსა და რუსეთის ექსკლავს, კალინინგრადს აკავშირებს. ამის შესახებ ინფორმაცია რუსეთის ფედერაციის ენერგეტიკის სამინისტრომ გაავრცელა.