მიმდინარე აქციებისას დაკავებული ახალგაზრდის, ნიკო ჯავახიშვილის ადვოკატის, ელგუჯა ავსაჯანაშვილის ცნობით, შიმშილის გამო ჯავახიშვილის ჯანმრთელობის მდგომარეობა დამძიმდა.
„16 კილო აქვს დაკლებული, ორჯერ წაუვიდა გული და არანაირი რეაგირება არ ჰქონიათ. ამაზე მე ვაპელირებდი, ვითხოვდი სახალხო დამცველის წარმომადგენლის შესვლას გუშინ და არ შევიდა”, – აღნიშნა ავსაჯანიშვილმა.
ნიკო ჯავახიშვილი 22 იანვრის შემდეგ, „ნეტგაზეთისა“ და „ბათუმელების“ დაპატიმრებული დამფუძნებლის, მზია ამაღლობელისადმი სოლიდარობის ნიშნად შიმშილობდა.
გავრცელებული ინფორმაციით, ჯავახიშვილმა შიმშილობა შეწყვიტა.
შეგახსენებთ, ნიკოს პროკურატურა ჯგუფურ ძალადობაში მონაწილეობას ედავება. მას 4-დან 6 წლამდე ვადით თავისუფლების აღკვეთა ემუქრება.