აქტივისტი თათი მელიქიშვილი მიმდინარე აქციებისას დაკავებული ნიკა კაციას შესახებ სოციალურ ქსელში ინფორმაციას ავრცელებს.
„უკანონოდ დაკავებულ ნიკა კაციას, რომელსაც ნარკოტიკი ჩაუდეს, ციხეში აწამებენ, გუშინ მის პროცესს ვესწრებოდი და გავიგეთ, რომ საკვები თურმე მაშინ “თავდება”, როცა ნიკას ჯერია, მის ბარათს კი თანამესაკნე უკანონოდ იყენებს.
დარბაზიდან გაყვანამდე დაგვიძახა მე და ანი ქავთარაძეს, თათი, ანი მიყვარხართო.
დღეს ლუკმა არ გადამდის და არ ვიცი, როგორ დავუბრუნო ეს სიყვარული უკან.
ინფორმაციის გავრცელება ერთადერთი გზაა, რაც მისთვის შემიძლია.
ორშაბათს ადვოკატი მოინახულებს“, – წერს მელიქიშვილი.
შეგახსენებთ, ჟურნალისტი ნიკა კაცია 7 დეკემბერს დააკავეს. პროკურატურა მას სისხლის სამართლის კოდექსის 260-ე მუხლის მე-6 ნაწილს ედავება, რაც დიდი ოდენობით ნარკოტიკული საშუალებების უკანანო შეძენა-შენახვას გულისხმობს.
ბრალის დამტკიცების შემთხვევაში, აღნიშნული მუხლი 8-დან 20-წლამდე ან უვადო პატიმრობას ითვალისწინებს.