„სენტ ეტიენის“ ქართველმა შემტევმა, ზურიკო დავითაშვილმა საქართველოს ნაკრების ლიდერის, ხვიჩა კვარაცხელიასა და მისი „პსჟ“-ში გადასვლის შესახებ ისაუბრა.
„რა თქმა უნდა, ვისაუბრე კვარაცხელიასთან, ჩვენ ერთი ოჯახი ვართ. 10 წლიდან ერთად ვთამაშობთ, ერთმანეთის ყველაფერი ვიცით და ყოველთვის გვაქვს საუბარი, ჩემი შვილის ნათლიაა. ძალიან მოხარული ვარ, რომ ლიგა 1-ში გადმოვიდა და ახლოს ვიქნებით ერთმანეთთან. ხვიჩას მხოლოდ წარმატებას ვუსურვებ“, – აღნიშნა დავითაშვილმა.
შეგახსენებთ, კვარას დებიუტი პარიზულ კლუბში 25 იანვარს, „რეიმსის“ წინააღმდეგ უნდა შედგეს.