საქართველოს საგარეო საქმეთა სამინისტრო თურქეთში, კარტალკაიას სათხილამურო კურორტზე, სასტუმროში მომხდარ ტრაგედიასთან დაკავშირებით სამძიმრის წერილს ავრცელებს.
„ღრმა მწუხარებას გამოვთქვამთ თურქეთში, კარტალკაიას სათხილამურო კურორტზე, სასტუმროში გაჩენილი ხანძრის გამო. გულითად სამძიმარს ვუცხადებთ მსხვერპლთა ოჯახებსა და თურქ ხალხს ამ რთულ პერიოდში“, – აღნიშნულია პოსტში, რომელიც სოციალურ ქსელ X-ზე გამოქვეყნდა.
შეგახსენებთ, თურქეთის სამთო-სათხილამურო კურორტზე, ერთ-ერთ სასტუმროში ხანძარს ათი ადამიანი ემსხვერპლა, დაშავებულია 32 პირი.