„კვარცხელია თანაგუნდელებს ემოციურად დაემშვიდობა“ – იტალიური პრესა

AreaNapoli-ს ცნობით, ქართველმა შემტევმა, ხვიჩა კვარაცხელიამ, „ნაპოლის“ ბაზა დატოვა.

ამავე გამოცემის ინფორმაციით, ის თანაგუნდელებს ემოციურად დაემშვიდობა.

„ეს „ნაპოლიში“ „კვარას“ ბოლო დღე გახლდათ, რომელმაც აქ თითქმის 2.5 წელი გაატარა. ის საკმაოდ ცივად მიესალმა ანტონიო კონტეს. მწვრთნელი ქართველის მოულოდნელი წასვლით აშკარად იმედგაცრუებული დარჩა. ხვიჩა საერთო ჯამში კარგი ბიჭია, მაგრამ მიუხედავად ამისა, ბევრს თავისი გადაწყვეტილებით გული დასწყვიტა“, – წერს აღნიშნული პრესა.

კვარა კარიერას „პსჟ“ – ში გააგრძელებს. გავრცელებული ინფორმააციით, მის სანაცვლოდ პარიზული კლუბი „ნაპოლის“ 75 მილიონ ევროს გადაუხდის, ქართველი ვარსკვლავის ანაზღაურება კი 9 მილიონი იქნება.