მედიასთან კომენტარი გააკეთა მიმდინარე აქციებისას დაკავებული გიორგი ტერიშვილის დედამ, მარინა ტერიშვილმა.
„გიორგი ჰყავს 1992 წელს დაღუპული ძმა, რომელიც 2 თებერვალს, ცირკთან, მიტინგზე დახვრიტეს. 18 წლის ბიჭი, რომელსაც დროშა ეჭირა და მიტინგზე წინ მიდიოდა, სნაიპერის ტყვიით მოკლეს. თავისი ძმის სულის პატივსაცემად, გიორგი აქციებზე სულ დადი.
მისი ძმა თავისუფლებისა და დამოუკიდებლობისთვის იბრძოდა – ესენიც ამისთვის იბრძვიან […]
გიორგი კარგადაა. ის აქეთ გვეუბნება და გვამხნევებს – წადით აქციაზე, იარეთ და არაფრის შეგეშინდეთო“, – აღნიშნა მან.
შეგახსენებთ, აქციაზე დაკავებულ გიორგი ტერიშვილს ჯგუფურ ძალადობაში მონაწილეობას ედავებიან, რაც 4-დან 6 წლამდე თავისუფლების აღკვეთას ითვალისწინებს. 10 იანვარს ის მოსამართლე ქეთევან ჯაჭვაძემ კვლავ პატიმრობაში დატოვა.