მწერალი და ტელეწამყვანი დათო გორგილაძე სოციალურ ქსელში ემოციურ პოსტს აქვეყნებს და წერს, რომ ბოლო პერიოდში ქვეყანაში ისეთი ადამიანები გამოჩნდნენ, რომლებიც არათუ დანებების საშუალებას, არამედ იმედსა და ძალას გაძლევს.
“ბოლო ხანებში ხომ ბევრმა გამოანათა ისეთმა, რომელიც რომ ძალას გაძლევს და დანებების საშუალებას – არა.
ამ ქვეყნის სიმდიდრეც ეგ არის – ნათელი გონების თავისუფალი ადამიანი. აბა ჩვენ ისეთი სიმდიდრეები არა გვაქვს, მიწიდან რომ ამოხეთქავს ხოლმე და ამდაგვარები.
ასეთ ადამიანებში გამორჩევა რთული და უმადური ჯაფაა, მაგრამ ჩემთვის მაინც გამოირჩა ერთი – ლიკა გუნცაძე, ანდრო ჭიჭინაძის დედა.
რამხელა ძალა ჩანს მის სიმშვიდეში; როგორი სიმამაცე არ იმალება მის სიდინჯესა და თავდაჭერილობაში; რა ცაში ამყვანი იმედი იღვრება მისი საუბრიდან ახლაც კი, როცა რთული დრო უდგას.
იცის, რომ გაივლის”- წერს გორგილაძე სოციალურ ქსელში.