ხელვაჩაურის მუნიციპალიტეტში მანქანა გზიდან გადავარდა – ერთი ადამიანი გარდაიცვალა
ხელვაჩაურის მუნიციპალიტეტში, სოფელ მაჭახლისპირთან, ავტოსაგზაო შემთხვევამ ერთი ადამიანის სიცოცხლე იმსხვერპლა. შემთხვევა პირველ იანვარს მოხდა.
ავტომობილი გზიდან გადავარდა და თითქმის ერთი დღის განმავლობაში დაკარგულად მიიჩნეოდა.
სამაშველო სამსახურის თანამშრომლებმა მანქანა 24 საათიანი ძებნის შემდეგ აღმოაჩინეს. სამწუხაროდ, მძღოლი გარდაცვლილი აღმოჩნდა.
მომხდარის ზუსტი გარემოებები ჯერ-ჯერობით უცნობია. შესაბამისი უწყებები ტრაგედიის მიზეზების დადგენაზე მუშაობენ. წინასწარი ინფორმაციით, რთული რელიეფი და გზის მდგომარეობა შეიძლება იყოს ავარიის გამომწვევი ფაქტორები.