იტალიელმა ჟურნალისტმა და „ნაპოლის“ ყოფილმა მედია მენეჯერმა, მასიმო სპარნიელიმ, Tifosi Napoletani-სთან ინტერვიუში „პარტენოპეის“ ქართველის შემტევის, ხვიჩა კვარაცხელიას, შესაძლო ტრანსფერზე ისაუბრა.
მისი თქმით, ნეაპოლური კლუბის მთავარ მწვრთნელს, ანტონიო კონტეს, ქართველის შემცვლელად “ლივერპულიდან” ფედერიკო კიეზას მოყვანა სურს.
„კვარაცხელიამ “ნაპოლის” ხელფასის მნიშვნელოვნად გაზრდა მოსთხოვა, თანაც გასულ ზაფხულს “პარი სენ ჟერმენისგან” სარფიანი წინადადება მიიღო, პარიზელები ხელფასის სახით დაახლოებით 10 მილიონ ევროს სთავაზობდნენ. კონტემ მის შემცვლელად ხელმძღვანელობას “ლივერპულიდან” ფედერიკო კიეზას დამატება მოსთხოვა.
კონტე კიეზას დიდი თაყვანისმცემელია”, – განაცხადა სპარნიელიმ.
შეგახსენებთ, ხვიჩა კვარაცხელია და “ნაპოლი” ახალ კონტრაქტთან დაკავშირებით შეთანხმებას ჯერჯერობით ვერ აღწევენ, ქართველს “პარტენოპეისთან” მიმდინარე ხელშეკრულება 2027 წლის ზაფხულში ეწურება.