პოლიცია ახალგაზრდული მოძრაობა “ნაბიჯის” ოფისში შევიდა. ინფორმაციას აქტივისტები დათუნა დანელია და ლუკა ჭოხონელიძე ავრცელებენ.
დღეს, 4 დეკემბერს პოლიცია “კოალიცია ცვლილებისთვის”, “დროასა” და “ნაციონალური მოძრაობის” ოფისებში შევიდა.
შეგახსენებთ, სამართალდამცავებმა ცოტა ხნის წინ დააკავეს ნიკა გვარამიაც. იქამდე კი მას ფიზიკურად გაუსწორდნენ. დაკავებულია “კოალიცია ცვლილებისთვის” წევრი გელა ხასაიაც, ასევე, პარტია “ლელოს” 2 წევრი. ასევე, ცოტა ხნის წინ დააკავეს “ნაციონალური მოძრაობის” ახალგაზრდული ორგანიზაციის წევრები.
გარდა ამისა, შსს რამდენიმე ოპოზიციური პარტიის ოფისსა და ჯგუფის “დაიტოვე” ადმინისტრატორის სახლში შევიდა, ძირითადად ამოღებულია ციფრული აპარატურა.