შემოსავლების სამსახურმა ლილოს ბაზრობაზე ის მაღაზიები და საწყობები დალუქა, სადაც საახალწლო პიროტექნიკა იყიდებოდა – ინფორმაციას “ტვ პირველი” ავრცელებს. მათივე ინფორმაციით,შემოსავლების სამსახურის წარმომადგენლები ლილოს ბაზრობაზე გვიან ღამით მივიდნენ და დიდწილად მაღაზიები ისე დალუქეს, რომ მეპატრონეებმაც არაფერი იცოდნენ:
“დილას რომ მოვედი , უკვე დაკეტილი იყო ყველაფერი”, – ამბობს ერთ-ერთი გამყიდველი.
“თვითონ რომ სცემენ, ეგ არა უშავს. თვითონ არ მოეწონათ, რაც მოხდა. ახლა უკვე თვითნაც იგემონ,” – ამბობს კიდევ ერთი გამყიდველი.
შეგახსენებთ, რომ ბოლო დღეებში აქციებზე მომიტინგეები სამართალდამცავების წინააღმდეგ ფერად ბოლს და ფოიერვერკებს იყენებს.