ჭიჭინაძის ქუჩაზე ვითარება ამ დრომდე დაძაბულია.
ადგილზე მობილიზებული საპოლიციო ძალები აქციის მონაწილეებს უპირისპირდებიან.
ცოტა ხნის წინ სპეცრაზმმა სავარაუდოდ, ცრემლსადენი გაზი გამოიყენა. საპასუხოდ აქციის მონაწილეები საპოლიციო ძალებს კვერცხებს ესვრიან.
ვრცელდება ინფორმაცია, რომ დაკავებულია რამდენიმე პირიც.
ცნობისთვის, პრემიერ ირაკლი კობახიძის განცხადებას, რომლის თანამხადაც “ქართული ოცნება” ევროკავშირთან 2028 წლამდე მოლაპარაკებებს წყვეტს, საზოგადოების ნაწილის დიდი პროტესტი მოჰყვა. მოქალაქეები პროტესტის მიზნით აქციას პარლამენტის შენობის წინ მართავენ.