თსუ-ს სტუდენტი, რომელმაც თანამოაზრეებთან ერთად ღამე უნივერსიტეტის შენობაში გაათენა, გამთენიისას მომხდარ ინციდენტს იხსენებს. ახალგაზრდა ყვება, რომ დაცვის სამსახური მათ შენობაში გადაადგილებას უზღუდავდა, რაცა მათი პროტესტის მოჰყვა. ამასთან, მისი თქმით, განსაკუთრებული აქტიურობით გამოირჩეოდა პირი, რომელსაც დაცვის სამსახურის ფორმა არ ეცვა და როდესაც ახალგაზრდებმა ამაზე ყურადღება გაამახვილეს, დამალვას შეეცადა.
სტუდენტი ამბობს, რომ ადგილი ჰქონდა დაპირისპირებასაც. მისი თქმით, ერთ-ერთი მის მეგობარს ფიზიკური დაპირისპირების ფონზე ასთმის შეტევა დაემართა, მეორეს კი წიხლებს მუცელში ურტყამდნენ. შეუძლოდ გახდა კიდევ ერთი გოგონა, რომელმაც პანიკური შეტევა მიიღო.
“ზვიადი როგორც გაესაუბრა, უთხრა, რომ ჩვენ დავატევდით 20 კაცს, მაგრამ როგორც ჩანს, მაგათთვის მიჩნეული იქნა, რომ 20 კაცი ნიშნავდა, რომ 20 კაცი იქნებოდა ერთ აუდიტორიაში და იქიდან ცხვირს არ გამოყოფდა, გარეთ არ გამოვიდოდნენ. ჩვენ ამაზე გაგვიჩნდა პროტესტი და დავგეგმეთ, რომ სამ სხვადასხვა ადგილას 7-7 კაცი განვლაგებულიყავით. პირველ ლოკაციაზე რომ მივედით კანცელარიასთან, მივედით კართან და უბრალოდ, ხელები გავშალეთ. აშკარად, დაცვამ სხვანაირად იფიქრა და მოგვვარდა. ამ ჭიდაობის და ჯიკაობის დროს ვიღაც შავებში ჩაცმული ნიღბიანია და კეპკიანი ადამიანი მოვიდა. ყველა ადამიანს, ვინც ჩვენ გვეჯიკავებოდა და გვაშველებდა, ეცვა თსუ-ს დაცვის ფორმა და ეს იყო ერთადერთი, რომელიც შავებში იყო ჩაცმული და ეხურა კეპი. როდესაც ამაზე გავაკეთეთ აქცენტი და კამერები მივუშვირეთ, შეეცადა დამალვას, გაგვირბოდა ეს ადამიანი. როდესაც ძლივს დავიჭირეთ, გვიტმკიცებდნენ, რომ ეს არის „ვიქტორია სექიურითის“ დაცვა. ერთ-ერთმა ჩვენმა მეგობარმა ასთმის შეტევა მიიღო. როგორც თვითონ გვეუბნება, რომ რაღაც მომხვდა, თუ ვიღაც მგუდავდაო და როცა დავეცი, ასთმის შეტევა მივიღეო და დაცემის დროს თავი დავარტყიო. ერთ მეგობარს პანიკური შეტევა ჰქონდა და კიდევ ერთს მუცელში ურტყამდნენ,” – ამბობს ახალგაზრდა.
წყარო:tv პირველი