“კოალიცია ცვლილებისთვის” ერთ-ერთმა ლიდერმა, ნიკა გვარამიამ ჭავჭავაძის გამზირზე შეკრებილ მოქალაქეებს მიმართა.
მან, ასევე, თქვა, რომ საქართველოს მოქალაქეებმა თავიანთი ხმა უნდა დაიბრუნონ და ევროპისკენ წავიდნენ.
“როგორც დავიბრუნეთ ჩვენი პირვანდელი თავშესაყარი, ისე დავიბრუნებთ ჩვენს სამშობლოს და წავალთ ერთად ევროპაში. როგორც მოვედით აქ, ისე მივალთ ევროპაში.
ჩვენი არჩევანია მშვიდობა, ჩვენი არჩევანია ჩვენი სამშობლო, ჩვენი არჩევანი ემთხვევა შოთას, დავით აღმაშენებლის, თამარ მეფის, ილია ჭავჭავაძის, ნიკო ნიკოლაძის, იაკობ გოგებაშვილის, ზვიად გამსახურდიას არჩევანს, ეს ევროპაა.
ჩვენ მხარეს არის ევროკავშირი, აშშ, დიდი ბრიტანეთი, მათი არჩევანი ემთხვევა ყველა ქართველი მოღალატის არჩევანს, მათ მხარის არის ვენესუელა, ნაურუ, რუსეთი, შეუმდგარი სახელმწიფოები. ჩვენ წავიდეთ წინ, ევროპაში, სადაც ჩვენი ადგილია, სადაც მივყავართ ილიას, შოთას და ზვიადს. გაუმარჯოს საქართველოს.
ჩვენ აქ ვართ, ვიქნებით ყველგან და ბოლოს შევალთ ევროპაში”, – აღნიშნა გვარამიამ სიტყვით გამოსვლისას.