ფეხბურთის ისტორიისა და სტატისტიკის საერთაშორისო ფედერაცია IFFHS-მა წლის საუკეთესო სანაკრებო მწვრთნელის ნომინაციაზე 20 კანდიდატი ამოარჩია, რომელთა შორის ვილი სანიოლიც არის.
წელს სანიოლის თაოსნობით ნაკრებმა ამ ეტაპისთვის 11 შეხვედრა ჩაატარა, საიდანაც 4 მატჩი მოიგო, ამდენივე წააგო და 2 თამაში ფრედ დაასრულა. მთავარი მიღწევა ცხადია ევროპის ჩემპიონატს და მისკენ მიმავალ გზას უკავშირდება. 26 მარტს ერთა ლიგის ფინალში, საბერძნეთის ნაკრები პენალტების სერიაში დავამარცხეთ და ისტორიაში პირველად ევროპის ჩემპიონატზე გავედით, ხოლო შემდგომ უშუალოდ ტურნირზე პორტუგალიის ნაკრებს ვძლიეთ და მესამე ადგილით ჯგუფიდან გასვლაც მოვახერხეთ, რაც დებიუტანტი გუნდისგან ბრწყინვალე შედეგია.
ფრანგი სპეციალისტის თაოსნობით ნაკრებმა 2021 წლიდან 42 მატჩი გამართა, საიდანაც 20 მოიგო, 6 ფრედ დაასრულა და 16-ში დამარცხდა. ამჟამად კლუბი უეფას ერთა ლიგის B დივიზიონში ასპარეზობს და ჯგუფში 6 ქულით მეორე ადგილს იკავებს.
ცნობისთვის, ფეხბურთის ისტორიისა და სტატისტიკის საერთაშორისო ფედერაცია ეროვნული ნაკრების საუკეთესო მწვრთნელს 1996 წლიდან, ყოველწლიურად ავლენს. გამარჯვებული მსოფლიოს სხვადასხვა ქვეყანაში ორგანიზაციის წარმომადგენელთა და ექსპერტთა მიერ ხმის მიცემით ვლინდება.
შეგახსენებთ, რომ საქართველოს ნაკრები 16 ნოემბერს ბათუმში უკრაინას უმასპინძლებს, ხოლო 19-ში სტუმრად ჩეხეთს შეხვდება.
წყარო:bm.ge