ესპანეთის სამხრეთ-აღმოსავლეთში მდებარე ვალენსიის რეგიონში წყალდიდობის შედეგად 72–მდე ადამიანი დაიღუპა. სტიქიის შედეგად ათობით ადამიანი უგზო-უკვლოდ დაკარგულად ითვლება.
ვალენსიაში სხვა ბევრ ქართველთან ერთად, ქართველი ფეხბურთელებიც ცხოვრობენ.
Geo Team ავრცელებს, რა მდგომარეობაში იმყოფებიან ისინი.
“გუშინ ღამით ვალენსიაში წყალდიდობა და შტორმი მოხდა, რამაც სამწუხაროდ, ათეულობით ადამიანის სიცოცხლე იმსხვერპლა და ასეულობით დაშავებულია.
ვალენსიაში მცხოვრები საქართველოს ნაკრების ორივე ფეხბურთელი, გიორგი მამარდაშვილი და გიორგი ქოჩორაშვილი ოჯახებთან ერთად თავს კარგად გრძნობენ და უსაფრთხო სიტუაციაში იმყოფებიან.
Geo Team მხარდაჭერას უცხადებს ჩვენი ბიჭების კლუბებს, მათ ქალაქსა და მაცხოვრებლებს. თანაგრძნობას ვუცხადებთ დაღუპულთა ოჯახებს.”
ბოლო ინფორმაციით, ესპანეთის სამხრეთ-აღმოსავლეთში მდებარე ვალენსიის რეგიონში წყალდიდობის შედეგად 72–მდე ადამიანი დაიღუპა. ესპანეთში ძლიერი წვიმით გამოწვეულმა წყალდიდობამ და ნიაღვარმა გზები და ხიდები დააზიანა, წაიღო მანქანები და დატბორა ქალაქები. სტიქიის შედეგად ათობით ადამიანი უგზო-უკვლოდ დაკარგულად ითვლება.
ესპანეთის პრემიერ-მინისტრმა, პედრო სანჩესმა სატელევიზიო მიმართვა გაავრცელა, რომელშიც განაცხადა, რომ ქვეყნის მთავრობა ვალენსიის რეგიონში წყალდიდობის შედეგად დაზარალებულების დასახმარებლად ყველაფერს გააკეთებს.