ჟურნალისტი გელა ზედელაშვილი სამოქალაქო აქტივისტის შოთა დიღმელაშვილის დაკითხვას ითხოვს. ამის შესახებ “ფეისბუქის” პირად გვერდზე წერს.
“ამ დუნდუკმა, შოთა გაგარინმა, გვარი რომ გადაიკეთა დიღმელაშვილად, გუშინ პირდაპირ ეთერში წამოაყრანტალა, ჩვენ უნდა მოვაწყოთ ,,მაიდანი” მინიმალური მსხვერპლითო. გაიგონეთ?! ,,მაიდანიო”, ,,მსხვერპლითო”, ,,მინიმალურითო”! ამას იძახის გაგარინი! ესე იგი, რა გამოდის? თბილისის გულში გაგარინი მიწყობს ,,მაიდანს”?! არა, აქ ეგეთ რამეს ვერავინ მოაწყობს, მაგრამ მაინც, ეს ვინ ჩემი ფეხებია?! ტიპი სასწრაფო წესებით უნდა დაიკითხოს!
საქართველოში ,,მაიდანი” 1991 წლის დეკემბერში უკვე იყო, თანაც ისეთი, კაი გვარიანად რომ დაგვანგრია და ჭრილობები დღემდე ვერ მოვიშუშეთ.
ვინც მსგავს რაღაცაზე იფიქრებს, ქართველები თავს ვალდებულად ჩავთვლით, ყველას დედიკოები მოვიკითხოთ. ამჯერად კორექტული ვარ, ყოველთვის ასე არ იქნება!
ჰმ… წარმოგიდგენიათ? ,,მაიდანიო”, ,,მსხვერპლითო”, თანაც გაგარინმა!
ესეც ეხლა კოსმონავტი გაგარინი არ მყავდეს, აი!” – წერს ზედელაშვილი სოციალურ ქსელში.