მძღოლი, რომლმაც 9 წლის ბავშვს დაეჯახა, შემდეგ კი თვითდაზიანებები მიიღო, კლინიკაში გარდაიცვალა. ინფორმაციას inews.ge ავრცელებს.
წყაროს ინფორმაციით, მძღოლმა დაზიანება მიიყენა და მისი მდგომარეობა მძიმე იყო.
ცნობისთვის, დღეს წალენჯიხის მუნიციპალიტეტში, სოფელ ზედა საჩინოში დღეს მომხდარ ტრაგედიას მე–5 კლასელი ემსხვერპლა. გარდაცვლილი ნიკოლოზ სალიაა.
მსუბუქი ავტომანქანა, რომელსაც ადგილობრივი მაცხოვრებელი გია ჭკადუა მართავდა, ქუჩაში ფეხით სახლისკენ მიმავალ დედა-შვილს დაეჯახა. შეჯახება სამწუხაროდ, იმდენად ძლიერი იყო, რომ მოზარდი ადგილზე დაიღუპა, ასევე დაშავდა ნიკოლოზის დედა, რომელიც ამჟამად კლინიკაშია გადაყვანილი. როგორც ადგილობრივები ამბობენ, მას მოტეხილობები აქვს.
ადგილობრივების თქმით, ავარიის მიზეზად გადაჭარბებული სიჩქარე სახელდება.