🎥ვრცელდება Puff Diddy-ის კადრები, რომელიც დაკავებამდე რამდენიმე საათით ადრეა გადაღებული

Dailymail-ი ავრცელებს რეპერის და პროდიუსერის Puff Diddy-ის კადრებს, რომელიც მის დაკავებამდე რამდენიმე საათით ადრეა გადაღებული.

16 სექტემბერს, ნიუ-იორკში ამერიკული ჰიპ-ჰოპ ინდუსტრიის ერთ-ერთი ყველაზე დიდი წარმომადგენელი, პროდიუსერი და რეპერი შონ კომბსი (იგივე Puff Daddy, P.Diddy, Diddy, Diddy – Dirty Money) დააკავეს. ონ დიდი ქომბსის, იგივე puff Daddy-ის გარშემო ატეხილმა სკანდალმა მთელი ჰოლივუდი მოიცვა.

ამერიკელ რეპერს სექსუალურ ძალადობაში, რეკეტების მოწყობასა და პროსტიტუციაში ქალების იძულებით ჩართვაში ადანაშაულებენ.

გამოძიებამ გაჩხრიკა რეპერის საცხოვრებელი სახლი, სადაც წარსულში მასშტაბური წვეულებები ეწყობოდა და სადაც საზოგადოებისთვის ძალიან ცნობილი სახეები – მომღერლები, მსახიობები, სპორტსმენები და მათ შორის პოლიტიკოსებიც დადიოდნენ. წვეულების ოფიციალური ნაწილის დასრულების შემდეგ კი, გამოძიების თქმით, ხდებოდა ყველა ის დანაშაული, რის გამოც დღეს Daddy დაკავებულია.

სექს-ტრეფიკინგი, რეკეტების მოწყობა, ქალების იძულებით, პროსტიტუციაში ჩათრევა, ასევე საერთაშორისო საზღვარზე ადამიანების გადმოყვანა და პროსტიტუციაში ჩათრევა – ეს არის ის ბრალდებები, რის გამოც დიდი დააკავეს. მან, გირაოს სახით, პროკურატურას 50 მილიონი და როგორც საკუთარი, ისე ოჯახის წევრების საბუთების ჩაბარება შესთავაზა, მაგრამ მოთხოვნა არ დაუკმაყოფილეს. დიდი უარს ამბობს საპყრობილეში საკვების მიღებაზე, რადგან, როგორც ამბობს, ეშინია, არ მოწამლონ.

54 წლის შონ კომბსი მუსიკალური მაგნატი და 90-იანი წლების ერთ-ერთი ყველაზე გავლენიანი ჰიპ-ჰოპ პროდიუსერია. Puff Daddy თავისი მეგობრის და ჰიპ-ჰოპის ლეგენდის, Notorious B.I.G.-ის პროდიუსერი იყო. სხვადასხვა დროს მიღებული აქვს გრემის სამი პრემია, თანამშრომლობდა ისეთ ვარსკვლავებთან, როგორებიც არიან მერაია ქერი, მერი ჯი ბლაიჯი, აშერი. მუსიკის გარდა ქმნიდა პროექტებს მოდის, ტელევიზიისა და ალკოჰოლის სფეროში.

ვიდეო იხილეთ აქ