თბილისში პრაიდის კვირეულის ფარგლებში დაგეგმილ ღონისძიებებთან დაკავშირებით საქართველოს პრეზიდენტი სალომე ზურაბიშვილი განცხადებას ავრცელებს. როგორც პრეზიდენტი აღნიშნავს, ქვეყანაში ყველა ადამიანს აქვს აზრის თავისუფლად გამოხატვის უფლება.
“ჩემთვის მიუღებელია ძალადობის, მუქარის, ზეწოლისა და სიძულვილის ენის გამოყენების ყველანაირი ფორმა! მიუღებელია, რადგან ეს ადამიანების კონსტიტუციური უფლებების დარღვევაა. მიუღებელია ჩემთვის, როგორც კონსტიტუციის გარანტისა და დამცველისათვის.
ვთვლი, რომ ყველას აქვს უფლება გამოიყენოს სიტყვის თავისუფლება. ეს არის ჩვენი ძირძველი ტოლერანტობა, რომელიც ჩვენი იდენტობის ნაწილია. ამაზე აშენდა ჩვენი ქვეყანა და ამაზე განვითარდება ხვალაც. ამიტომ ასევე მიმაჩნია, რომ ყველას აქვს უფლება გამოსვლის. ასევე, თბილისი პრაიდის მონაწილეებს აქვთ უფლება გამოხატონ თავიანთი აზრი და გამოიყენონ ის უფლება, რომელიც ყველას კონსტიტუციური უფლებაა, კონსტიტუციისა და კანონის მიერ დადგენილ ნორმებში. ეს ჩვენი ქვეყნისა და ჩვენი ერთიანობისთვის მნიშვნელოვანია!” – აცხადებს პრეზიდენტი.
პრეზიდენტის განცხადებასთან დაკავშრებით ჟურნალისტმა თამარ ჩეროლეიშვილმა “ფეისბუქის” პირად გვერდზე დაწერა:
“საერთოდ არ ვაპირებ სალომე ზურაბიშვილის ქებას იმის გამო, რომ ორჯერ ორი ოთხიაო თქვა.” – დაწერა ჩერგოლეიშვილმა, პოსტის კომენტარებში კი დაამატა –
“მაგიჟებს ეს ხალხი.
ხბოები არიან.
ქალი პრეზიდენტია, დაცვით დადის, რაღაც ელემენტარული თქვა და აქებენ, გამბედაობა უნდოდა ამასო.
შ*გ აქვთ”
“მაგიჟებს ეს ხალხი.
ხბოები არიან.
ქალი პრეზიდენტია, დაცვით დადის, რაღაც ელემენტარული თქვა და აქებენ, გამბედაობა უნდოდა ამასო.
შ*გ აქვთ”
ცნობისთვის, Tbilisi Pride 5 ივლისს ღირსების მარშს გამართავს, რომელიც კვირეულის ფარგლებში ეწყობა. მარშის სლოგანია: – “გამოდი სოლიდარობისთვის”.ძალადობრივი და ჰომოფობიური ჯგუფის ლიდერი, ლევან ვასაძე ღირსების მარშის გაუქმებას მოითხოვს და ხელისუფლებას ამისთვის 10-დღიან ვადა მისცა, რომელიც 25 ივნისს გავიდა.