რა გართულებები შეიძლება მოჰყვეს სექსუალური ძალადობის მსხვერპლი ბავშვების ფსიქიკურ ჯანმრეთელობას – აღნიშნულ საკითხზე ექიმმა გიორგი ღოღობერიძემ ტელეკომპანია “რუსთავის 2”-ის გადაცემაში “ღამის კურიერი” ისაუბრა და ხაზი გაუსვა იმას, რომ მნიშვნელოვანია ოჯახის სრულყოფილი ინფორმაციას სექსუალური განათლების შესახებ:
“ძალიან, ძალიან მნიშვნელოვანია, რომ დიდი აქცენტი გაკეთდეს უშუალოდ ოჯახის წევრების განათლებაზე, რადგან ყველაზე ხშირი კონტაქტი ბავშვთან ოჯახის წევრებს აქვთ. შეიძლება ჩვენ სხვა პირებიც ჩავრთოთ, რა თქმა უნდა, მაგრამ მათი კონტაქტის ხანგრძლივობა დიდი არ არის, ამიტომ ჩემი აზრით, მშობლების განათლება ამ შემთხვევაში წინა ხაზზე წამოსაწევია.
როდესაც ბავშვი ხდება ძალადობის მსხვერპლი, თითებიც აღარ მეყოფა იმდენი გართულება შეიძლება მოჰყვეს. დაწყებული დეპრესია, შეიძლება იყოს შფოთვები, დამოკიდებულება ალკოჰოლზე, ნარკოტიკებზე, ძილის და მადის დარღვევები, ასევე შეიძლება იყოს დისოციაცია, პოსტტრავმული სტრესული დაავადება და შიზოფრენიის გარდა შეიძლება ნებისმიერი რაღაც იყოს გართულების სახით. ასეთი რაღაცების მართვა საკმაოდ რთულია. იმის თქმა მინდა, რომ აქედან გამოსვლას სჭირდება ძალიან დიდი დრო. ძალადობის მსხვერპლი ბავშვების 50%-დან 80%-მდე, ანუ 10-დან შეიძლება 8 ბავშვს ჰქონდეს მსგავსი მოვლენები დარჩენილი წლების განმავლობაში და აქედან გამოსვლა საკმაოდ რთულია. – განაცხადა ღოღობერიძემ.
ამასთან, მან “ფეისბუქის” პირად გვერდზე დაწერა, რომ აღნიშნული პრობლემის აღმოსაფხვრელად ყველა ერთად უნდა გაერთიანდეს:
“ბავშვებზე სქესობრივი ძალადობის აღმოსაფხვრელად ყველამ ერთად უნდა ვიბრძოლოთ”, – წერს გიორგი ღოღობერიძე სოციალურ ქსელში.