საქართველოს თავდაცვის ყოფილი მინისტრი თინათინ ხიდაშელი საკუთარი ჯანმრთელობის შესახებ “ფეისბუქზე” წერს. როგორც ხიდაშელი ამბობს, ის გერმანიაში გამოკვლევებზე იმყოფება.
“ცოტაოდენი სიახლეები გულშემატკივრებს
კეთილი ადამიანების, მეგობრების და ბევრი კარგი ხალხის რჩევის, თხოვნის, მოთხოვნის და დახმარების შედეგად ვიმყოფები გერმანიაში კვლევებზე და ფეხზე დადგომა/გამოჯანმრთელების გზების დასადგენად.
მიუხედავად ბევრი დიდი თუ პატარა პრობლემისა, რომელიც ყოველდღიურად ჩნდება, როგორც ჩანს, ყველაფერი კარგად იქნება და სიარულსაც შევძლებ. თუმცა, წინ ჯერ კიდევ გრძელი და რთული გზაა…
ყველას, ნაცნობებს და უცნობებს, დიდი მადლობა კიდევ ერთხელ ვინც ვინც მწერთ,
მეხმიამებით და მუდმივად კითხულობთ ჩემს ამბავს” – წერს ხიდაშელი სოციალურ ქსელში.
ცნობისთვის, თინათინ ხიდაშელსა და მის მეუღლეს დავით უსუფაშვილს კორონავირუსით ინფიცირების გამო ჯანმრთელობის მდგომარეობა რამდენიმე თვის წინ გაურთულდათ.