საქართველოს ნაკრები ერთა ლიგის B დივიზიონის მეორე ტურში ტირანაში ალბანეთის ნაკრებს დაუპირისპირდა და 1:0 გაიმარჯვა.
მატჩის 71-ე წუთზე, ანგარიში საქართველომ გიორგი ქოჩორაშვილის გოლით გახსნა.
„აირ ალბანია არენაზე“ გამართულ თამაშში ვილი სანიოლმა „ჯვაროსნების“ შემადგენლობა არ შეცვალა და იგივე თერთმეტერული გამოიყვანა, რომელმაც ჩეხეთთან შეხვედრა დაიწყო.
პირველად თამაში მასპინძლებმა გამწვავეს, მაგრამ ჰოჯას დარტყმა უშედეგო გამოდგა. მერე ჩაკვეტაძემ სცადა გოლის გატანა, თუმცა მას მცველი გადაეფარა, კიტეიშვილის გასროლა კი მიზანს აცდა.