ლაბორატორიული კვლევების მიხედვით, შავი ზღვის წყლის ხარისხი სანაპიროს მთელ პერიმეტრზე ნორმის ფარგლებშია – ამის შესახებ გარემოს ეროვნული სააგენტო ავრცელებს ინფორმაციას.
კვლევა 14 აგვისტოთი თარიღდება და 12 წერტილში აღებული წყლის სინჯების კვლევების დროს ჰიდრო ბიოლოგიური და ქიმიური პარამეტრები ისაზღვრება, მათ შორის, 13 მძიმე მეტალი, ნავთობის ჯამური ნახშირწყალბადები, 16 პოლიარომატული ნახშირწყალბადისა და სხვა ფიზიკურ-ქიმიური პარამეტრის კონცენტრაცია.