გამოძიება ამ დრომდე მუშაობას იმის გასარკვევად, რა გახდა ხაშურში სასტიკი მკვლელობის მოტივი. დაკავებული 15 წლის გოგო კი, რომელსაც საგამოძიებო უწყება განზრახ მკვლელობას ედავება, ბრალის წარდგენას ელოდება.
მოკლულის ახლობლები და თანასოფლელები არასრულწლოვანზე სავარაუდო ძალადობას გამორიცხავენ. არსებული ინფორმაციით, მკვლელობას თვითმხილველი არ ჰყოლია.
“ჯერ ჩვენ ბრალი არ წაგვყენებია. ამიტომ ვერ მოგახსენებთ ჩვენ წარდგენილ ბრალში რა პოზიციას დავიკავებთ. შეიძლება სწორედაც ისეთი ბრალი იყოს, რომელიც, დავუშვათ, ჩვენ დავეთანხმოთ, შეიძლება, ჩავთვალოთ, რომ არ არის სწორად ჩამოყალიბებული. აქედან გამომდინარე, ამ წუთში, ამ ეტაპზე ვერ მოგახსენებთ პოზიციას. რაც შეეხება თვითონ ბავშვს, არასწულწლოვანს, აცნობიერებს თვითონ მომხდარ შედეგს, ფიზიკურად, ახლა, ამ ეტაპზე, კარგად გრძნობს თავს, მაგრამ შესაბამისად ემოციების ქვეშ არის და გუნდი, ვინც მასთან ერთად ვმუშაობდით, რომ შეგვემსუბუქებინა ეს გარემოება და მას სტრესი ნაკლებად მიდგომოდა”, – ამბობს ადვოკატი ნინო იასაღაშვილი.
პოლიციამ შიდა ქართლში მომხდარი მკვლელობის ფაქტი ცხელ კვალზე გახსნა – დაკავებულია 15 წლის გოგო.