4 წლის ბავშვის მდგომარეობა, რომელსაც თავში კისტის თოფის ტყვია აქვს მოხვედრილი, კვლავ მძიმეა.
არასრულწლოვანი ამ ეტაპზე თბილისში, ინგოროყვას კლინიკაში, მძიმე მდგომარეობაში, მართვით სუნთქვაზე იმყოფება. ექიმები მის გადარჩენას ცდილობენ.
ცნობისთვის, მარნეულში 4 წლის ბავშვს თავში კისტის თოფის ტყვია დღეს მოხვდა. არაოფიციალური ინფორმაციით, ის თამაშის დროს დაშავდა.
ინგოროყვას კლინიკის პედიატრიული განყოფილების ხელმძღვანელი, გია ბიბილეიშვილი აცხადებს, რომ ბავშვს თავში კისტის თოფის ტყვია ჰქონდა მოხვედრილი.
“ძალიან სერიოზული ტრავმაა თოფით მიყენებული. რეალურად, ეს ტყვია შევიდა უკანა კეფის მხრიდან, გაიარა მნიშვნელოვანი გზა და დააზიანა შუა ტვინის სტრუქტურები. იმ ადგილას არის ეს ტყვია გაჩერებული, საედანაც მისი ამოღება პრექტიკულად შეუძლებელია. ამ ეტაპზე ბავშვი მართვით სუნთქვაზეა. ძალიან რთული პაციენტია პროგნოზულადაც და ამჟამად სამართავადაც”