ლაგუნა ვერეს მიმდებარე ტერიტორიაზე გზის რეკონსტრუქცია-გაფართოებისთვის თბილისის მერიამ ტენდერი გამოაცხადა.
პროექტი თბილისის მუნიციპალიტეტის მთავრობის ბიუჯეტიდან 2024 წელს 4 მილიონი ლარით და 2025 წელს – 1.12 მილიონი ლარით დაფინანსდება.
საპროექტო დოკუმენტაციის მიწოდების ვადად – ხელშეკრულების ძალაში შესვლიდან 30 (ოცდაათი) კალენდარული დღე (ექსპერტიზის მომსახურების ვადის ჩათვლით), ხოლო სამშენებლო სამუშაოების მიწოდების ვადად – 60 კალენდარული დღეა განსაზღვრული.
სამუშაოს შესრულების საგარანტიო ვადა – სამუშაოების დასრულებიდან 3 წელია.
შეთავაზების ფასის კლების ბიჯი 25 605 ლარი, ხოლო გარანტიის ოდენობა 51 210 ლარია.
სატენდერო წინადადებების მიღება 2 აგვისტოს 00:00 საათიდან დაიწყება და 8 აგვისტოს 14:00 საათზე დასრულდება.