“პარი სენ ჟერმენმა” “ნაპოლის” ხვიჩა კვარაცხელიასა და ვიქტორ ოსიმენის სანაცვლოდ 200-მილიონიანი შეთავაზებით მიმართა. ამის შესახებ “ტვიტერზე” ცნობილი სატრანსფერო ექსპერტი პაოლო ბარგიჯა წერს.
“200 მილიონი ევრო “პარი სენ ჟერმენისგან” ხვიჩა კვარაცხელიასა და ვიქტორ ოსიმენის სანაცვლოდ. საინტერესოა, რას გადაწყვეტს დე ლაურენტისი?”, – წერს ბარგიჯა “ტვიტერზე”.
შეგახსენებთ, ბოლო ინფორმაციით, “ნაპოლის” ოსიმენის გაყიდვა სურს, თუმცა “პარტენოპეი” ზაფხულის სატრანსფერო ფანჯარაზე კვარაცხელიას გასხვისებას არ განიხილავს და ქართველთან ახალი ხელშეკრულების თაობაზე მოლაპარაკებები მიმდინარეობს.