2024 წლის 6 ივნისს ტყუპების ნიშანში ახალი მთვარეა. თუმცა, აღნიშნულ დღეს კიდევ უფრო მეტი დატვირთვა აქვს. სწორედ 6 ივნისს მზე, მთვარე, პლანეტა ვენერა და იუპიტერი ერთმანეთს დაუკავშირდებიან. როგორც ასტროლოგები ამბობენ, ეს პროცესი, ახალ მთვარესთან ერთად, სიცოცხლის ახალი ციკლის დასაწყისია და ცვლილებას ყველა ადამიანი იგრძნობს. თუ 2024 წლისთვის მნიშვნელოვანი გეგმები გქონდათ, მაგრამ აქამდე გეჩვენებოდათ, რომ მათ განსახორციელებლად შესაფერისი დრო არ დადგა, ახლა შეგიძლიათ, პირველი ნაბიჯები გადადგათ. სამყარო თქვენს მცდელობას დააფასებს და დაგეხმარებათ, ყველაფერი, რასაც ამ დღეს წამოიწყებთ, წარმატებით დაასრულოთ.
5 რჩევა, თუ რა უნდა გააკეთოთ 2024 წლის 6 ივნისის ახალი მთვარის დროს, რომ წარმატებას მიაღწიოთ და ამ დღის ენერგია სრულად გამოიყენოთ:
ტყუპები, როგორც წესი, ძალიან კომუნიკაბელური ადამიანები არიან და გარშემომყოფებთან საერთო ენის გამონახვას შესანიშნავად ახერხებენ. ამიტომაც, მნიშვნელოვანია, იყოთ კეთილგანწყობილი, მეგობრული. დადებითი ემოციები უკან ორმაგად დაგიბრუნდებათ, ასევე, თუკი ამ დღეს ვინმე ყავაზე დაგპატიჟებთ, თქვენთან შეხვედრის სურვილს გამოთქვამს, მეგობრები გასეირნებას შემოგთავაზებენ უარს ნუ იტყვით. შესაძლოა, თქვენთვის მნიშვნელოვანი ადამიანი გაიცნოთ, რომელთანაც კომუნიკაციას მარტივად შეძლებთ.
ტყუპები ახალი ცოდნის მიღებასა და უნარების განვითარებაზეა პასუხისმგებელი. ამიტომ, ძალიან კარგი იქნება, თუ ამ დღეს რაიმეს შესწავლას დაიწყებთ. შედეგით იმაზე კმაყოფილი დარჩებით, ვიდრე შეიძლება წინასწარ იფიქროთ.
ტყუპები ცვლილებების ნიშანია. ამიტომაც, დაგეგმეთ რაიმე ახალი. თუ იმიჯის ცვლილებაზე ფიქრობდით, ახლა შეგიძლიათ, ეს სურვილი განახორციელოთ. თუ მოგზაურობის დაგეგმვა, ახალი საქმეს წამოწყება გსურდათ, ეს დღე გამოიყენეთ.
მთვარე ტყუპებში ადამიანებს სიცხადეს აძლევს. შესანიშნავი პერიოდია დიალოგისა და ურთიერთობების გასარკვევად, მოლაპარაკებისა და პარტნიორობის გასაფორმებლად.
2024 წლის 6 ივნისს გაქვთ შანსი, საკუთარ ემოციებსა და სურვილებს კიდევ ერთხელ ჩაუღრმავდეთ. ჩამოწერეთ თქვენი გეგმებისა და მიზნების შესახებ. როგორც ასტროლოგები ამბობენ, ამ დღეს სურვილების გაჟღერებას განსაკუთრებული დატვირთვა აქვს და შესაძლოა, ძალიან მალე რეალობად გადაიქცეს.
წყარო: “ბომონდი”