13 მაისი
შესაძლოა, თქვენთვის ხელსაყრელი ცვლილებები მოკლე დროში ვერ დაინახოთ, მაგრამ ეს დღე კიდევ ერთხელ დაგარწმუნებთ, თუ რამდენად მნიშვნელოვანია, საკუთარ ოცნებას ნელ-ნელა, ნაბიჯ-ნაბიჯ მიუახლოვდეთ და ყოველდღიურად რაიმე გააკეთოთ ამისთვის. ამიტომაც, გადადგით ნაბიჯი მიზნებისკენ. გააკეთეთ თუნდაც ძალიან მცირე საქმე, რაც თქვენს ოცნებასთან მიგაახლოებთ. ამ გზით წარმატებას აუცილებლად მიაღწევთ.
14 მაისი
ამ დღეს თქვენი ენერგია და მოტივაცია განსაკუთრებით გაიზრდება და ნახავთ, რომ ის საქმეებიც კი, რომლებიც ადრე გერთულებოდათ და ფიქრობდით, რომ არ გამოგივიდოდათ, ახლა მარტივად გამოგდით. ნუ დაკარგავთ დროს, შეუდექით ინიციატივებისა და ყველაზე მასშტაბური და ამბიციური გეგმების განხორციელებას.
15 მაისი
ასტროლოგები გირჩევენ, რომ ამ დღეს რაიმე მნიშვნელოვანი არ დაგეგმოთ და არსებულ საქმეებსა და საკუთარ თავზე კონცენტრირდეთ. დიდია მანიპულაციისა და მოტყუების რისკიც. ამიტომ, შეეცადეთ, დრო მშვიდად გაატაროთ და კონფლიქტურ სიტუაციაში არ ჩაერთოთ.
16 მაისი
საკუთარ თავს მოუსმინეთ. შესაძლოა, შინაგანად რაღაც იმდენად გაწუხებთ, რომ მოტივაცია გეკარგებათ და თქვენი ყოველდღიურობაც ამის გამო იცვლება. დაუთმეთ დრო თქვენს თავს. დაფიქრდით თქვენს შიშებსა და კომპლექსებზე. იყავით გულწრფელი, გააანალიზეთ ურთიერთობები, არსებული საქმეები. ეს დაგეხმარებათ, რომ ემოციური არასტაბილურობა დაარეგულიროთ და ჰარმონიულად იცხოვროთ საკუთარ თავთანაც და გარემოსთანაც.
17 მაისი
ეს დღე გარდაუვალი ცვლილებებისა და სიახლეებისაკენ გიბიძგებთ. შესაძლოა, აღმოაჩინოთ, რომ უკვე დროა, რაღაც შეცვალოთ თქვენს ცხოვრებაში. ამიტომ, არ გაჩერდეთ. დრო ახალ თავგადასავლებს დაუთმეთ, ნუ შეგეშინდებათ პასუხისმგებლობების აღებისა და საკუთარი შესაძლებლობების გამოვლენის. მხოლოდ ტრანსფორმაციის დიდი სურვილითა და შესაბამისი ნაბიჯების გადადგმით მიაღწევთ იმას, რაზეც ოცნებობთ.
18 მაისი
გამოხატეთ მადლიერება და სიკეთე და ნახავთ, რომ ეს თქვენზეც განსაკუთრებულ გავლენას მოახდენს და უკან ორმაგად დაგიბრუნდებათ. მოიკითხეთ საყვარელი ადამიანები, გაამხნევეთ, დახმარების ხელი გაუწოდეთ მათ, ვისაც თქვენი გვერდით დგომა სჭირდებათ და თავადაც დადებით ენერგიას მიიღებთ.
19 მაისი
დაკავდით საყვარელი აქტივობებით. შესაძლოა, ბოლო პერიოდში ემოციურად განსაკუთრებით გადაიტვირთეთ და შემართებაც დაკარგეთ. ეს დღე შესანიშნავ საშუალებას გაძლევთ, რომ დაისვენოთ, განიტვირთოთ და ძალები აღიდგინოთ.
წყარო: “ბომონდი”