“არ ვიცი კახა ალადაშვილი ფეხბურთს სად თამაშობდა, ალბათ “ფლეისთეიშენს” თამაშობდა” – ამბობს თბიილისის მერი ყოფილ თანაგუდელ კახა ალადაშვილზე.
შეგახსენებთ, რომ რამდენიმე დღის წინ კალაძემ მადლობა იმ პოლიციელებს გადაუხადა, რომლებმაც “რუსული კანონის” საწინააღმდეგო აქცია დაარბიეს. ეს ფაქტი საქართველოს ნაკრების ყოფილმა ფეხბურთელმა კახა ალადაშვილმა გააკრიტიკა და სოციალურ ქსელში დაწერა:
“მრცხვენია და დარწმუნებული ვარ არა მხოლოდ მე, რომ შენს გვერდით ვითამაშე 10 წელი. არ მეგონა თუ ასეთ არარაობად, მოღალატედ და უსუსურ კაცად ჩამოყალიბდებოდი.
ვის უხდი მადლობას? ქალები და ბავშვები რომ წიხლებით სცემა, იმ “სამართალდამცავებს”? ენა, მამული და სარწმუნოებაო, რომ ამბობ, კარგად გეცოდინება, ჩვენს ენაში რა სიტყვები აღწერეს ქვეყნის მოღალატეს და ქალზე მოძალადეს. რომელ მამულზე ლაპარაკობ, რომელმა სარწმუნოებამ გიქადაგა ვნების კვირაში საკუთარ ქვეყანას უღალატე და ქალები და ბავშვები უმოწყალოდ სცემეო? არაკაცი, უსუსური და არარაობა ხომ ხარ, მაგრამ წვრილმანი მატყუარაც ყოფილხარ. ხაბეიშვილმა სცემა სპეცრაზმელებს? ამას როგორ იმეორებ? ხაბეიშვილმა ის გააკეთა, რისი გამბედაობა არც გაქვს და არც არასოდეს გქონია – სხვას გადაეფარა, ახალგაზრდა დაიცვა. შენნაირი არაკაცი მოღალატეები პოლიტიკურ სამარეში აღმოჩნდებით ძალიან მალე. დღეს ისევ პარლამენტთან” – საქართველოს ეროვნული ნაკრების ყოფილი ფეხბურთელი კახა ალადაშვილი ეხმაურება კახა კალაძის განცხადებას, სადაც ის პოლიციელებს მადლობას უხდის “წესრიგის აღდგენისთვის”.
სწორედ ამ კრიტიკის საპასუხოდ განაცხადა კალაძემ, რომ არ იცის სად თამაშობდა ფეხბურთს კახა ალადაშვილი.