მაისი, როგორც წესი, ემოციურად დატვირთული პერიოდია, როდესაც ბევრი ადამიანი საზაფხულო გეგმებსაც აწყობს და ამავდროულად, არსებულ პასუხისმგებლობებთან და გამოწვევებთან გამკლავებაც უწევს. თუმცა, როგორც ასტროლოგები ამბობენ, 2024 წლის მაისი არაერთი ხელსაყრელი დღითა და საინტერესო თავგადასავლით გაგვანებივრებს.
ყოველ წელს არსებობს ერთი ყველაზე ხელსაყრელი დღე, ე.წ. აკშაია ტრიტია ჰქვია. ამ დღეს მზე და მთვარე ყველაზე ძლიერ პოზიციებზე არიან. ამიტომაც, თითოეულ სიტყვას, სურვილსა და საქმეს განსაკუთრებული მნიშვნელობა და ძალა აქვს.
2024 წელს წლის ყველაზე გამორჩეული დღე 10 მაისს იქნება.
გაითვალისწინეთ, აღნიშნულ დღეს აუცილებელია, დრო სასიამოვნო აქტივობებსა და კეთილ საქმეებს დაუთმოთ. ემოციები, რომლებსაც სამყაროში გაუშვებთ, უკან ორმაგად დაგიბრუნდებათ და მთელი წლის განმავლობაში გაგყვებათ. ამიტომაც, გამოხატეთ კეთილგანწყობა, საყვარელ ადამიანებს გრძნობებში გამოუტყდით, გააკეთეთ კეთილი საქმეები. ასევე, დაიწყეთ რაიმე ახალი, განახორციელეთ პროექტები, ჩაეწერეთ კურსებზე, ტრენინგებსა და მასტერკლასებზე. წარმატების გაცილებით მეტი შანსი გექნებათ.
თუკი ნიშნობას, ცხოვრების წესის ცვლილებას, რაიმე მნიშვნელოვანი გადაწყვეტილების მიღებას აპირებთ, აღნიშნულ დღეს დაიწყეთ. წარმატებას აუცილებლად მიაღწევთ.
ნუ ჩაერთვებით კამათსა და კონფლიქტურ სიტუაციაში. გაატარეთ დღე დადებითი განწყობით, დაკავდით საყვარელი აქტივობებით და გადადგით ნაბიჯები წარმატებისკენ.
წყარო: “ბომონდი”