არსებული ინფორმაციით, კიდევ ერთი პირი, რომელიც გუშინ, რუსული კანონის საწინააღმდეგო აქციის მონაწილეებს ფიზიკურად გაუსწორდა არის – გიორგი კუპატაძე, იგივე “ლეკი”. ის “ოცნების” დეპუტატის, ისკო დასენის სპორტული დარბაზის მწვრთნელია.
ცოტა ხნის წინ “სამოქალაქო მონაწილეობის ცენტრის” დამფუძნებელმა, ირაკლი აბესაძემ გაავრცელა ინფორმაცია, რომ აქციის მონაწილეებზე თავდამსხმელები, როგორც “წარმატებული მწვრთნელები”, მერიისგან თვეში 500 ლარიან დახმარებას იღებენ. ესენი არიან გიორგი უბილავა და დავით ჯავახია.
უბილავა ერთ-ერთია იმ პირებს შორის, რომლებიც კორცხელში ოპოზიციაზე განხორციელებულ თავდასხმაში მონაწილეობდა.
გავრცელებული ფოტო და ვიდეო მასალიდან ასევე ამოიცნეს კიდევ ერთი თავდამსხმელი სპორტსმენი – ჯონი უარიადმყოფელი.
უცნობია მომხდართან დაკავშირებით დაიწყო თუ არა გამოძიება და თუ დაიწყო, რა მუხლით.