24 წლის გიგი გობეჯიშვილი, რომელიც მძიმე სენს ებრძოდა გუშინ, 12 აპრილს გარდაიცვალა.
„უამრავჯერ დავწერე და წავშალე, არ ვიცი როგორ გითხრათ ეს ყველასთვის სამწუხარო ამბავი. გარდაცვალება სინამდვილეში ხელახალი შობაა სხვა სამყაროში… ჩვენი გიგი გარდაიცვალა…“, – წერს ანი ჩანგელია სპეციალურად გიგისთვის შექმნილ ჯგუფში.
გიგის 2020 წლის სექტემბრის დასაწყისში “არნოლ კიარის” მალფორმაციის დიაგნოზი დაუდგინდა. საქართველოში გაუკეთდა 5 ოპერაცია უშედეგოდ, ყველა ოპერაციის შემდეგ მისი მდგომარეობა მძიმდებოდა და საბოლოოდ კი რეანიმაციამდე, შემდგომ კი ღრმა კომამდე მივიდა საქმე.