მე კითხვა მაქვს – ხელისუფლება, რომელიც სათავეშია, ვის უტარებს აქციებს? – მასწავლებელთა ეროვნული ჯილდოს მფლობელი, ლადო აფხაზავა ბათუმში მიმდინარე აქცის შეუერთდა.
როგორც აფხაზავა ამბობს,
“ძალიან ცუდ დღეში გვაგდებს ჩვენი ხელისუფლება, ძალიან სამწუხაროა, რომ ჩემს კოლეგებს სკოლაში გაკვეთილიც არ ჩაუტარებია.
ძლიან სამწუხაროა, როდესაც ხელისუფლება ასეთ დღეში აგდებს უბრალო მოსახლეობას, არ ვიქნებოდი კმაყოფილი, რომ ეთქვათ წამოდით და დაუდექით გვერდში.
მე კითხვა მაქვს – ხელისუფლება, რომელიც სათავეშია, ვის უტარებს აქციებს? ძალიან გაოცებული ვარ, რაც ხდება, მოსწავლეებიც გაოცებული არიან, იმიტომ, რომ ვერ ხვდებიან ხელისუფლება ვის უტარებს აქციას, რა უნდა, ამით დაამტკიცოს,“ – ამბობს ლადო აფხაზავა.
რუსთაველის გამზირზე „ქართული ოცნების“ ორგანიზებული „საყოველთაო სახალხო შეკრებასთან“ დაკავშირებული ღონისძიება მიმდინარეობს. დღევანდელ შეკრებას უერთდებიან “ქართული ოცნების” ახალგაზრდული ფრთის წარმომადგენლები, რომლებიც “ფილარმონიიდან” საკონონმდებლო ორგანომდე მსვლელობით მივიდნენ. მათ გაშლილი აქვთ ბანერი წარწერით: “ღირსებით ევროპისკენ”.
როგორც ცნობილია, საკანონმდებლო ორგანოსთან შეკრებილ მოქალაქეებს პარტია „ქართული ოცნების“ საპატიო თავმჯდომარე, ბიძინა ივანიშვილი მიმართავს.