“დღეს ებრძვიან ჩვენს თავიუფლებას, ებრძიან ჩვენს სიმართლეს, გამჭვირვალობას. ისინი თავს გვახვევენ ლგბტ პროპაგანდით, რითაც ცდილობენ ადამიანები მოწყვიტონ საკუთარ ფესვებს”- მიმართავს ირაკლი ღარიბაშვილი პარლამენტთან შეკრებილ მოქალაქეებს.
“ამიტომ ასეთ დროში ჩვენი უმთავრესი იარაღი ჩვენი რწმენა და ოჯახური ფასეულობებია. ჩვენ არავისთან დაპირისპირება არ გვინდა, ჩვენ ვიცავთ ჩვენს ინტერესებს, ჩვენ არ ვემსახურებით არც დასავლეთს და არც აღმოსავლეთს, არც ჩრდილოეთს და არც სამხრეთს”- აღნიშნავს ღარიბაშვილი.
რუსთაველის გამზირზე „ქართული ოცნების“ ორგანიზებული „საყოველთაო სახალხო შეკრებასთან“ დაკავშირებული ღონისძიება მიმდინარეობს.
დღევანდელ შეკრებას უერთდებიან “ქართული ოცნების” ახალგაზრდული ფრთის წარმომადგენლები, რომლებიც “ფილარმონიიდან” საკონონმდებლო ორგანომდე მსვლელობით მივიდნენ. მათ გაშლილი აქვთ ბანერი წარწერით: “ღირსებით ევროპისკენ”.
საკანონმდებლო ორგანოსთან დამონტაჟებულია სცენა, სადაც ამ მომენტში სიტყვით უმრავლესობის ლიდერი, მამუკა მდინარაძე გამოდის.
საკანონმდებლო ორგანოსთან შეკრებილ მოქალაქეებს პარტია „ქართული ოცნების“ საპატიო თავმჯდომარე, ბიძინა ივანიშვილი მიმართავს.