“ტაბულას” დირექტორის, თამარ ჩერგოლეიშვილის განცხადებით, “ევროპულ საქართველოში” განხეთქილება დიდი ხნის წინ, გრიგოლ ვაშაძისთვის საპრეზიდენტო არჩევნებზე მხარდაჭერის გამო დაიწყო.
ჩერგოლეიშვილი პარტიიდან წასულ ლიდერებს გიგა ბოკერიასა და მიხეილ სააკაშვილს, ან ლუკაშენკოს შორის პარალელის გამო აკრიტიკებს.
“კარგ ბიჭობად მიიჩნევა, თუ ისე წახვალ არაფერს არ ახსნი. ახსნა არ გულისხმობს ადამიანებზე პერსონალურ თავდასხმას და ისეთ არაადეკვატურ პარალელებს, როგორიც გიგასა და ლუკაშენკოს შორის პარალელია. ერთ-ერთმა ლიდერმა ეს განაცხადა. მერე მეორე ლიდერმა პოსტი დაწერა და მიშასთან პარალელებს ავლებს. ეს პარალელები არაადეკვატურია… როცა ამ შედარებას აკეთებ, შემდარებელზე უფრო მეტს ამბობს”, – განაცხადა თამარ ჩერგოლეიშვილმა “პალიტრანიუსის” ეთერში.
ცნობისთვის, “ევროპული საქართველო” გიგი უგულავამ, ლევან თარხნიშვილმა, გივი თარგამაძემ და დავით ბაქრაძემ დატოვა.