“მცემეს, დამიჭირეს. სასტიკად უსწორდებიან ხალხს”, – ამის შესახებ “ლელოს” გენერალური მდივანი ირაკლი კუპრაძე სოციალურ ქსელში დაკავების შემდეგ წერს.
შეგახსენებთ, რომ პარლამენტის უკანა შესასვლელის მიმდებარე ტერიტორიიდან კუპრაძე რამდენიმე წუთის წინ დააკავეს. არსებული ინფორმაციით, არიან სხვა დაკავებულებიც.
ამასთან, შსს-მ გამაფრთხილებელი სიგნალი ჩართო, რის შემდეგაც სპეცრაზმი როგორც წესი აქციის დარბევასა და წყლის ჭავლის გამოყენებას იწყებს.
ჩიტაძის ქუჩაზე ვითარება დაძაბულია, რობოკოპებმა წიწაკის სპრეი გაუშვეს.