საპატრულო პოლიციის დეპარტამენტის ხელმძღვანელი, ვაჟა სირაძე ვერ აკონკრეტებს რამდენი ადამიანია დაკავებული, თუმცა აქციის მონაწილეებს პროვოკაციაში ადანაშაულებს.
“ზუსტი ციფრი არ გვაქვს, წინააღმდეგობას უწევდნენ პოლიციელებს, არ ემორჩილებიან კანონიერ მოთხოვნას.
დაპირისპირება შეგიძლიათ კარგად ნახოთ. დაახლოებით 30 ადამიანია შემოსული პოლიციის წინ, რომლებიც ახდენენ პროვოკაციებს შეგნებულად და იწვევენ პოლიციელებს, აგინებენ და წინააღმდეგობას უწევენ” ამტკიცებს სირაძე.
სამართალდამცველებმა აქციის რამდენიმე მონაწილე დააკავა.ერთ-ერთი დაკავებული სავარაუდოდ, “გირჩი – მეტი თავისუფლების” ლიდერი, ზურაბ ჯაფარიძეა. უცნობია, რამდენი პირია დაკავებული. ბოლო მონაცემებით, რომელიც ზურაბ გირჩი ჯაფარიძემ გაავრცელა, სამართალდამცველებმა ორი ადამიანი დააკავეს.
მოქალაქეები მშვიდობიანი მსვლელობით პარლამენტის შენობისთვის წრის შემორტყმას გეგმავდნენ, თუმცა პოლიციამ მათ ამის საშუალება არ მისცა.
პარლამენტის მიმდებარედ წყლის ჭავლის მანქანა და სპეცრაზმია მობილიზებული.